america live Broadcasting

ഷിക്കാഗോ സെന്റ് മേരീസ് ആഘോഷമായ ആദ്യകുര്‍ബാന സ്വീകരണം മെയ് 28-ന്

ഷിക്കാഗോ: മോര്‍ട്ടന്‍ഗ്രോവ് സെന്റ് മേരീസ് ക്‌നാനായ ദേവാലയത്തിലെ ഈവര്‍ഷത്തെ ആഘോഷമായ ആദ്യകുര്‍ബാന സ്വീകരണം മെയ് 28-നു ഞായറാഴ്ച വൈകിട്ട് 3 മണിക്ക് നടത്തപ്പെടും. ഇടവക വികാരി ഫാ. തോമസ് മുളവനാലിന്റെ മുഖ്യകാര്‍മികത്വത്തില്‍ നടത്തപ്പെടുന്ന ചടങ്ങുകളില്‍ വെച്ച് 29 കുട്ടികളുടെ ആഘോഷമായ ആദ്യകുര്‍ബാന സ്വീകരണം നടത്തപ്പെടും. രണ്ടു കുട്ടികളുടെ സ്ഥൈര്യലേപന കൂദാശയും തദവസരത്തില്‍ നടത്തപ്പെടുന്നതാണ്. 

ദേവാലയത്തിലെ ചടങ്ങുകള്‍ക്കുശേഷം നൈല്‍സിലുള്ള വൈറ്റ് ഈഗിള്‍ ബാങ്ക്വറ്റ് ഹാളില്‍ വച്ചു മാതാപിതാക്കളുടെ നേതൃത്വത്തില്‍ വിരുന്നു സത്കാരവും ഒരുക്കിയിട്ടുണ്ട്. ചടങ്ങുകള്‍ക്ക് വൈദീകരും സിസ്റ്റേഴ്‌സും മാതാപിതാക്കളും, കമ്മിറ്റി അംഗങ്ങളും അധ്യാപകരും പാരീഷ് എക്‌സിക്യൂട്ടീവും നേതൃത്വം നല്‍കും. 

 

Read more

ഷിക്കാഗോ സെന്റ് മേരീസ് മതബോധന സ്കൂളില്‍ ഹാജര്‍ നിലയില്‍ ഉന്നത നിലവാരം പുലര്‍ത്തിയവരെ ആദരിച്ചു

ഷിക്കാഗോ: മോര്‍ട്ടന്‍ഗ്രോവ് സെന്റ് മേരീസ് ക്‌നാനായ ദേവാലയത്തിലെ മതബോധന സ്കൂളില്‍ ഹാജര്‍ നിലയില്‍ ഉന്നത നിലവാരം പുലര്‍ത്തിയ കുട്ടികളെ ആദരിച്ചു. മെയ് 21-നു രാവിലെ 10 മണിക്കുള്ള വി. കുര്‍ബാനയ്ക്കുശേഷമാണ് കുട്ടികള്‍ക്ക് സമ്മാനങ്ങള്‍ നല്‍കി ആദരിച്ചത്. 154 കുട്ടികളാണ് ഈവര്‍ഷം പെര്‍ഫെക്ട് അറ്റന്‍ഡന്‍സ് അവാര്‍ഡിന് അര്‍ഹരായത്. 

വികാരി ഫാ. തോമസ് മുഴവനാല്‍ കുട്ടികള്‍ക്ക് സമ്മാനങ്ങള്‍ വിതരണം ചെയ്തു. കൃത്യമായി ക്ലാസുകളില്‍ എത്തിച്ചേര്‍ന്ന കുട്ടികളേയും, കുട്ടികളെ ക്ലാസുകളില്‍ എത്തിക്കാന്‍ പ്രോത്സാഹനം ചെയ്ത മാതാപിതാക്കളേയും വൈദീകരും സ്കൂള്‍ ഡയറക്ടര്‍മാരും അനുമോദിച്ചു.  

Read more

ചിക്കാഗോ കെ സി വൈ എൽ പ്രവർത്തനങ്ങൾക്ക് ഉജ്വലതുടക്കം

ചിക്കാഗോ കെ സി വൈ എൽ പ്രവർത്തനങ്ങൾക്ക് ഉജ്വലതുടക്കം 
ചിക്കാഗോ: ക്നാനായ കത്തോലിക്ക സൊസൈറ്റിയുടെ പോഷക സംഘടനയായ  കെ സി വൈ എൽ പ്രവർത്തനങ്ങൾക്ക്  ഔപചാരികമായ തുടക്കം കുറിച്ചു.   മെയ് 21 ഞായറാഴ്ച  സേക്രട്ട്  ഹാർട്ട് ക്നാനായ ഫോ : പള്ളി അങ്കണത്തിൽ  കെ സി വൈ എൽ മുൻ അതിരൂപത ചാപ്ലയിൻ - കെ സി എസ് സ്പിരിചൂൽ  ഡയറക്ടർ - ഫാ എബ്രഹാം മുത്തോലത്ത്  തിരി തെളിച്ചു ഉത്ഘാടന കർമ്മം നിർവഹിച്ചു. ക്നാനായ യുവജനകളുടെ കൈകളിലാണ് ക്നാനായ സമുദായം എന്നും ഭദ്രമായി മുന്നോട്ട് പോയിട്ടുള്ളത് എന്നത് ശ്രേധേയമാണ് എന്ന് ഫാ മുത്തോലത്ത് ഓർമ്മപ്പെടുത്തി. കെ സി വൈ എൽ പ്രെസിഡന്റ് അലക്സ് മുത്തോല്ത്തിന്റെ നേതൃത്വത്തിൽ കൂടിയ സമ്മേളനത്തിൽ ക്നാനായ യുവജനം സ്വപ്‌നങ്ങൾ കാണുന്നവരായിരിക്കണം - പ്രകാശം പരത്തുന്നവരായിരിക്കണം എന്ന്  കെ സി എസ്  പ്രസിഡന്റ് ബിനു പൂത്തുറയിൽ ആശംസിച്ചു. 
സാജു കണ്ണമ്പള്ളി, ഷിബു മുളയാനിക്കുന്നേൽ, കെ സി വൈ എൽ ബോർഡ് അംഗങ്ങൾ എന്നിവർ സന്നിഹിതരായിരുന്നു.  
ചിക്കാഗോ കെ സി വൈ എൽ പ്രവർത്തനങ്ങൾക്ക് ഉജ്വലതുടക്കം 
ചിക്കാഗോ: ക്നാനായ കത്തോലിക്ക സൊസൈറ്റിയുടെ പോഷക സംഘടനയായ  കെ സി വൈ എൽ പ്രവർത്തനങ്ങൾക്ക്  ഔപചാരികമായ തുടക്കം കുറിച്ചു.   മെയ് 21 ഞായറാഴ്ച  സേക്രട്ട്  ഹാർട്ട് ക്നാനായ ഫോ : പള്ളി അങ്കണത്തിൽ  കെ സി വൈ എൽ മുൻ അതിരൂപത ചാപ്ലയിൻ - കെ സി എസ് സ്പിരിചൂൽ  ഡയറക്ടർ - ഫാ എബ്രഹാം മുത്തോലത്ത്  തിരി തെളിച്ചു ഉത്ഘാടന കർമ്മം നിർവഹിച്ചു. ക്നാനായ യുവജനകളുടെ കൈകളിലാണ് ക്നാനായ സമുദായം എന്നും ഭദ്രമായി മുന്നോട്ട് പോയിട്ടുള്ളത് എന്നത് ശ്രേധേയമാണ് എന്ന് ഫാ മുത്തോലത്ത് ഓർമ്മപ്പെടുത്തി. കെ സി വൈ എൽ പ്രെസിഡന്റ് അലക്സ് മുത്തോല്ത്തിന്റെ നേതൃത്വത്തിൽ കൂടിയ സമ്മേളനത്തിൽ ക്നാനായ യുവജനം സ്വപ്‌നങ്ങൾ കാണുന്നവരായിരിക്കണം - പ്രകാശം പരത്തുന്നവരായിരിക്കണം എന്ന്  കെ സി എസ്  പ്രസിഡന്റ് ബിനു പൂത്തുറയിൽ ആശംസിച്ചു. 
സാജു കണ്ണമ്പള്ളി, ഷിബു മുളയാനിക്കുന്നേൽ, കെ സി വൈ എൽ ബോർഡ് അംഗങ്ങൾ എന്നിവർ സന്നിഹിതരായിരുന്നു.  
Read more

ഷിക്കാഗോ തിരുഹൃദയ ഫൊറോനായിൽ മെയ് 27ന് ആഘോഷകരമായ ആദ്യകുർബാന സ്വീകരണം

ഷിക്കാഗോ: ഷിക്കാഗോ തിരുഹൃദയ ക്നാനാ‍യ കത്തോലിക്കാ ഫൊറോനാ പള്ളിയിൽ, മൂന്നാം ക്ലാസ്സിലെ മതബോധന വിദ്യാർത്ഥികളുടെ ആദ്യകുമ്പസാരം മെയ് 20 നും, ആഘോഷമായ വിശുദ്ധ കുർബാന സ്വീകരണം മെയ് 27 ശനിയാഴ്ച 3 മണിക്കും നടത്തപ്പെടുന്നു.

ഈ വർഷം വിശുദ്ധ കുർബാന സ്വീകരിക്കുന്നത് ചെമ്മാച്ചേൽ ലൂക്സണിന്റേയും ഫെലിക്സിന്റേയും പുത്രൻ ഫ്രാങ്ക്ലിൻ, കീഴങ്ങാട്ട് സിറിയക്കിന്റേയും കൊളീന്റേയും പുത്രൻ ജെയ്ഡൻ, കുന്നംകുളം ഷിബുവിന്റേയും ജിഷയുടേയും പുത്രി എവാ, തെക്കനാട്ട് സനലിന്റേയും പ്രിയയുടേയും പുത്രി സാന്ദ്ര, ഉപ്പൂട്ടിൽ ഷിനുവിന്റേയും പ്രിൻസിയുടേയും പുത്രൻ ആൽ‌വിൻ, തെക്കനാട്ട് സഞ്ചുവിന്റേയും ഫെബിന്റേയും പുത്രൻ ഡാനിയേൽ, മുളയാനിക്കൽ ഷിബുവിന്റേയും സുസ്മിതയുടേയും പുത്രി സെറീനാ, പാറാനിക്കൽ ജിനോയിയുടേയും സനിതയുടേയും പുത്രി ഇസബെൽ, തറത്തട്ടേൽ ജോസിന്റേയും ഷിൻസിമോളുടേയും പുത്രൻ ജഹാസിയേൽ, പടിഞ്ഞാറേൽ സ്റ്റീഫന്റേയും ജോസ്സിയുടേയും പുത്രൻ സ്റ്റീവിൻ, കോയിത്തറ സുനിലിന്റേയും നീനയുടെയും പുത്രി അഞ്ചൽ, തറത്തട്ടേൽ തോമസിന്റേയും സുജയുടേയും പുത്രി എലേന, പുത്തെൻപറമ്പിൽ റോണിയുടേയും റ്റാനിയായുടേയും പുത്രൻ നിഖിൽ ജോസഫ്, പറമ്പടത്തുമലയിൽ ജോബിന്റേയും സ്വപ്നയുടേയും പുത്രൻ നിഖിൽ ജോബിൻ, മാധവപ്പള്ളിൽ ദിലീപിന്റേയും സിൻസിയുടേയും പുത്രി ആഷ്‌ലി, വെട്ടിക്കാട്ട് പ്രശാന്തിന്റേയും ഹാനിയുടേയും പുത്രൻ ജാസ്, പുത്തേട്ട് മനോജിന്റേയും (പരേതൻ), ര‌മ്യയുടേയും പുത്രൻ ഇവാൻ, വിളങ്ങാട്ടുശ്ശേരിൽ മാറ്റിന്റേയും ഡയാനയുടേയും പുത്രൻ പോൾ എന്നിവരാണ്.

ക്നാനായ കത്തോലിക്ക റീജിയൺ വികാരി ജെനറാൾ മോൺ. തോമസ് മുളവനാൽ, ഫൊറോനാ വികാരി വെരി റെവ. ഫാ. എബ്രാഹം മുത്തോലത്ത്, അസി. വികാരി റവ. ഫാ. ബോബൻ വട്ടം‌പുറ, റെവ. ഫാ. ബിജു ചൂരപടത്ത്, റെവ. ഫാ. റ്റോമി ചെള്ളക്കണ്ടത്തിൽ എന്നിവർ തിരുക്കർമ്മങ്ങൾക്ക് കാർമ്മികത്വം വഹിക്കും.

കുട്ടികളുടെ ജീവിതത്തിലെ വളരെ പ്രധാനപ്പെട്ട ദിവസമായ ആഘോഷകരമായുള്ള ആദ്യകുർബാനസ്വീകരണത്തിൽ പങ്കെടുത്ത്, അവർക്കുവേണ്ടി പ്രാർത്ഥിച്ച് അനുഗ്രഹപ്രദമാക്കണമെന്ന് ബഹുമാനപ്പെട്ട വികാരി ഫാദർ എബ്രാഹം മുത്തോലത്തും, ഡി. ആർ. ഇ. ടോമി കുന്നശ്ശേരിയും, കുട്ടികളുടെ മാതാപിതാക്കളും, അധ്യാപകരും അറിയിക്കുന്നു.

Read more

ഷിക്കാഗോ ക്നാനായ കത്തോലിക്കാ ഫൊറോനായിൽ ഈശോയുടെ തിരുഹൃദയ ദർശന തിരുനാൾ

ഷിക്കാഗോ: പ്രവാസി ക്നാനായക്കാരുടെ പ്രഥമ ദൈവാലയമായ ഷിക്കാഗോ സേക്രഡ് ഹാർട്ട് ക്നാനാ‍യ കത്തോലിക്കാ ഫൊറോനാ പള്ളിയിലെ പ്രധാന തിരുനാൾ, ഇടവക മദ്ധ്യസ്ഥനായ ഈശോയുടെ തിരുഹൃദയത്തിന്റെ സ്തുതിക്കായി ജൂൺ 9 മുതൽ 11 വരെ ഭക്തിപൂർവം ആഘോഷിക്കുന്നു.

ജൂൺ 9, വെള്ളി വൈകുന്നേരം 6:30 ന് കോട്ടയം അതിരൂപതാ സഹായ മെത്രാൻ മാർ. ജോസഫ് പണ്ടാരശ്ശേരിൽ കൊടിയേറ്റുന്നതോടെ തിരുനാൾ ആഘോഷങ്ങൾക്ക് തുടക്കം കുറിക്കും. തുടർന്ന് നടക്കുന്ന ദിവ്യബലിയിൽ മാർ ജോസഫ് പണ്ടാരശ്ശേരിൽ മുഖ്യകാർമ്മികനും, ഫൊറോനാ വികാരി വെരി റെവ. ഫാ. എബ്രാഹം മുത്തോലത്ത്, രൂപതാ പ്രൊക്യൂറേറ്റര്‍ റെവ. ഫാ. ജോർജ് മാളീയേക്കൽ എന്നിവർ സഹകാർമ്മികരുമായിരിക്കും. മാർ. ജോസഫ് പണ്ടാരശ്ശേരിൽ പിതാവ് തിരുന്നാൾ സന്ദേശം നൽകും. ഇതേ തുടർന്ന് മതബോധന സ്കൂൾ കലോത്സവം ഉണ്ടായിരിക്കും.

ജൂൺ 10, ശനി വൈകുന്നേരം 5:30 ന് തുടങ്ങുന്ന പാട്ടുകുര്‍ബ്ബാന, പ്രസുദേന്തി വാഴ്ച, കപ്ലോൻ വാഴ്ച എന്നീ തിരുക്കർമ്മങ്ങൾക്കുശേഷം, സേക്രഡ് ഹാർട്ട് കൂടാരയോഗങ്ങളും, സെന്റ് മേരീസ് ഇടവകയും അവതരിപ്പിക്കുന്ന കലാസന്ധ്യയും ഉണ്ടായിരിക്കുന്നതാണ്. വികാരി ജനറാളും സെന്റ് മേരീസ് ക്നാനായ ഇടവക വികാരിയുമായ മോൺ. തോമസ് മുളവനാൽ മുഖ്യകാർമ്മികനും റെവ. ഫാ. എബ്രാഹം മുത്തോലത്ത്, അസി. വികാരി റവ. ഫാ. ബോബൻ വട്ടംപുറത്ത് എന്നിവർ സഹകാർമ്മികരുമാകുന്ന വിശുദ്ധ കുര്‍ബ്ബാനയിൽ, സെന്റ് മേരീസ് ഗായകസംഘമാണ് ആത്മീയഗാന ശുശ്രൂഷകൾ നയിക്കുന്നത്. ഫാ. ബോബൻ വട്ടംപുറത്ത് വചന സന്ദേശം നൽകും.

പ്രധാന തിരുനാൾ ദിവസമായ ജൂൺ 11 ഞായറാഴ്ച ഉച്ചകഴിഞ്ഞ് 3:00 മുതൽ ആരഭിക്കുന്ന ആഘോഷമായ തിരുന്നാള്‍ റാസ കുർബാനക്ക്, ഡിട്രോയിട്ട് സെന്റ് മേരീസ് ക്നാനായ കത്തോലിക്ക ഇടവക വികാരി റെവ. ഫാ. ഫിലിപ്പ് രാമച്ചനാട്ട് മുഖ്യകാർമ്മികത്വം വഹിക്കുകയും, രൂപതാ ചാൻസലർ ഫാ. ജോണിക്കുട്ടി പുലിശ്ശേരി, ഫാ. എബ്രാഹം മുത്തോലത്ത്, ഫാ. ബോബൻ വട്ടംപുറത്ത് എന്നിവർ സഹകാർമ്മികത്വം വഹിക്കുകയും ചെയ്യും. ഫാ. ജോണിക്കുട്ടി പുലിശ്ശേരി സന്ദേശം നൽകും. സജി മാലിത്തുരുത്തേലിന്റെ നേത്യുത്വത്തിലുള്ള സേക്രഡ് ഹാർട്ട് ഗായകസംഘം ഗാനശുശ്രൂഷകൾ നിർവഹിക്കും. തുടർന്ന് വിശുദ്ധന്മാരുടെ തിരുസ്വരൂപങ്ങൽ വഹിച്ചുകൊണ്ടും, വിവിധ ട്രൂപ്പുകൾ ഉൾക്കൊള്ളുന്ന വാദ്യമേളങ്ങളുടെ അകമ്പടിയോടുകൂടി, നൂറിലേറെ മുത്തുക്കുടകളും, കൊടികളും സംവഹിച്ചുകൊണ്ടൂള്ള വർണ്ണപകിട്ടാർന്ന തിരുന്നാള്‍ പ്രദക്ഷിണത്തിന് ഷിക്കാഗോ സീറോ മലങ്കര കത്തോലിക്ക ഇടവക വികാരി റവ. ഫാ. ബാബു മഠത്തിപറമ്പിൽ നേത്യുത്വം നൽകുന്നതായിരിക്കും.

മാത്യു & റെജി ഇടിയാലിൽ, അവരുടെ മക്കളായ ജിതിൻ, മെറിൽ & മാത്തുക്കുട്ടി എന്നിവരാണ് ഈ തിരുനാളിന്റെ പ്രസുദേന്തിമാർ. തിരുക്കര്‍മ്മങ്ങളില്‍ പെങ്കടുത്ത്, ഈശോയുടെ തിരുഹ്യദയത്തിന്റെ അനുഗ്രഹം പ്രാപിക്കുവാന്‍ ഏവരേയും ഫൊറോനാ വികാരി ഫാ. എബ്രാഹം മുത്തോലത്ത്, ഫാ. ബോബൻ വട്ടംപുറത്ത്, പ്രസുദേന്തിമാർ, എക്സ്സിക്കൂട്ടീവ് അംഗങ്ങളായ തോമസ് നെടുവാമ്പുഴ (ട്രസ്റ്റി കോഡിനേറ്റർ), ട്രസ്റ്റിമാരായ മാത്യു ഇടിയാലിൽ, സഖറിയ ചേലക്കൽ, മാത്യു ചെമ്മലക്കുഴി, സെക്രട്ടറി ടോണി പുല്ലാപ്പള്ളി, ട്രഷറർ സണ്ണി മുത്തോലത്ത്, പി. ആർ. ഒ. ബിനോയി കിഴക്കനടി എന്നിവര്‍ ചേർന്ന് തിരുഹൃദയ ദൈവാലയത്തിലേക്ക് സാദരം ക്ഷണിക്കുന്നു.

Read more

കെ.സി.ഡബ്ള്യൂ.എഫ്.എന്‍.എ സമ്മേളന രജസ്ട്രേഷന്‍ നടത്തി

അറ്റ്ലാന്‍റ: ക്നാനായ കാത്തലിക്ക് വിമന്‍സ് ഫോറം ഓഫ് നോര്‍ത്ത് അമേരിക്കയുടെ നേതൃത്വത്തില്‍ ഒക്ടോര്‍ബര്‍ 13,14,15 തീയതികളില്‍ ലാസ്വേഗസില്‍ നടക്കുന്ന സമ്മേളനത്തിന്‍െറ അറ്റ്ലാന്‍റയിലെ രജിസ്ട്രേഷന്‍ മാതൃദിനത്തില്‍ നടത്തി. ചടങ്ങില്‍ ഫാ.ജെമി പുതശേരി, ജസ്റ്റിന്‍ പുത്തന്‍പുരയില്‍, വിമന്‍സ്ഫോറം പ്രസിഡന്‍റ് ബീന വാഴക്കാലായില്‍, സെക്രട്ടറി ഷീല ചക്കാലപടവില്‍,ട്രഷറര്‍ റീന ജേക്കബ് വാലാച്ചിറ, ഡോളി വെള്ളാപ്പള്ളികുഴി, ബീന അത്തിമറ്റം തുടങ്ങിയവര്‍ സംബന്ധിച്ചു.

Read more

ചിക്കാഗോയിൽ മറ്റൊരു മലയാളി യുവാവ് കൂടി മരണമടഞ്ഞു. എബിൻ മാത്യു മരണമടഞ്ഞത് വാഹനാപകടത്തിൽ.

ചിക്കാഗോ: ചിക്കാഗോയിലെ മലയാളി സമൂഹത്തെ കണ്ണീരിലാഴ്ത്തികൊണ്ടു മറ്റൊരു മലയാളി യുവാവുകൂടി യാത്രായാകുന്നു. ബുധനാഴ്ച അർധരാതിയിൽ ഉണ്ടായ വാഹനാപകടത്തിൽ മരണമടഞ്ഞ എബിൻ മാത്യുവാണ് സുഹൃത്തുക്കളോടൊപ്പം കാറിൽ യാത്ര ചെയ്യവേ മറ്റൊരു കാർ വന്നിടിച്ച അപകടത്തിൽ മരിച്ചത്.  വില്ലോബ്രൂക്കിലുണ്ടായ കാറപകടത്തില്‍ മരിച്ച എബിന്‍ മാത്യുവിനോടൊപ്പം യാത്രചെയ്ത നാലു സുഹ്രുത്തുക്കള്‍പരുക്കുകളോടെ  ഗുഡ് സമരിറ്റന്‍ ഹോസ്പിറ്റലില്‍ പ്രവേശിപ്പിപ്പിക്കപ്പെട്ടിരിന്നു എങ്കിലും നിസ്സാരമായ പരുക്കുകൾ ആണ് സംഭവിച്ചത്. എബിൻ സംഭവ സ്ഥലത്ത് വച്ച് തന്നെ മരണമടയുകയായിരുന്നു.  ബുധനാഴ്ച അര്‍ധരാത്രിയോടെ റൂട്ട് 83-യിലാണു അപകടം. ഇവര്‍ സഞ്ചരിച്ച നിസാന്‍ റോഷില്‍ മറ്റൊരു കാര്‍ വന്നിടിക്കുകയായിരുന്നു. അപകടത്തിനു ശേഷം സ്ഥലം വിട്ട കാര്‍പിന്നീടു കണ്ടെത്തി. ആഫ്രിക്കന്‍ അമേരിക്കനായ ഡ്രൈവര്‍ മര്‍ലന്‍ മൈത്സിനെ (19) അറസ്റ്റ് ചെയ്തു. യീല്‍ഡ് സൈന്‍ അവഗണിച്ചു ഇടത്തോട്ടു തിരിഞ്ഞപ്പോള്‍ നിസാനില്‍ ചെന്നിടിക്കുകയായിരുന്നു

ഇടിയുടെ ആഘാതത്തില്‍നിസാന്‍ പലവട്ടം കരണം മറിഞ്ഞു. ശബ്ദം കേട്ട് എത്തിയ അയല്‍ക്കാര്‍ ഗ്ലാസ് തകര്‍ത്ത് ഉള്ളിലുള്ളവരെ പുറത്തെടുത്തു. എത്ര പേര്‍ ഉണ്ടായിരുന്നു എന്നു ചോദിച്ചപ്പോള്‍ അഞ്ചു പേര്‍ എന്ന് കാറിലുള്ളവര്‍ പറഞ്ഞു. പക്ഷെ നാട്ടുകാര്‍ എത്ര നോക്കിയിട്ടും നാലു പേരെയണു കണ്ടെത്തിയത്.

 അപ്പോഴേക്കും എത്തിയ പോലീസ് വാഹനത്തിന്റെ വെളിച്ചത്തില്‍ എബിന്റെ ശരീരവും കണ്ടെത്തി. p>സംഭവം നടക്കുമ്പോള്‍ എബിന്റെ പിതാവ് ഇന്ത്യയില്‍ നിന്ന് ചിക്കാഗൊയിലേക്കുള്ള വിമാനത്തിലായിരുന്നു. ഇന്ന് (വ്യാഴാഴ്ച ) ഉച്ച കഴിഞ്ഞ് ചിക്കാഗോയിൽ വിമാനമിറങ്ങിയ അദ്ദേഹത്തെ എതിരേറ്റത് മകന്റെ ചരമ വാർത്തയായിരുന്നു. വിവാഹം ഉറപ്പിച്ചതിന് ശേഷം അടുത്ത കാലത്ത് തന്നെ നാട്ടിൽ പോയി വിവാഹം കഴിക്കുവാനുള്ള തയ്യാറെടുപ്പിലായിരുന്നു എബിൻ മാത്യു. ഭാവി വധുവിനെ അമേരിക്കയിലേക്ക് കൊണ്ടുവരുന്നതിനായി ഫയൽ ചെയ്യുവാനുള്ളതിനായി വിവാഹം നാട്ടിൽ രെജിസ്റ്റർ ചെയ്തിരുന്നു. ചിക്കാഗോയിലെ ഗ്യാസ് സ്റ്റേഷനിൽ മാനേജരായി ജോലി ചെയ്തിരുന്ന എബിൻ, മലായാളി യുവാക്കളുടെ ഇടയിൽ സുപരിചിതനായിരുന്നു. എബിൻ മാത്യുവിന്റെ നിര്യാണത്തിൽ ചിക്കാഗോയിലെ വിവിധ മലയാളി അസോസിയേഷനുകളുടെ ഭാരവാഹികൾ അനുശോചനം രേഖപ്പെടുത്തിയിട്ടുണ്ട്.

Read more

മോർട്ടൺ ഗ്രോവ് സെന്റ് മേരിസ് ക്നാനാ‍യ കത്തോലിക്കാ ദൈവാലത്തിൽ മാതൃദിനo ആചരിച്ചു

ഷിക്കാഗോ: മോർട്ടൺ ഗ്രോവ് സെന്റ് മേരിസ് ക്നാനാ‍യ കത്തോലിക്കാ ദൈവാലത്തിൽ, മെയ് 14 - ന് രാവിലെ പത്തു മണിക്ക് നടന്ന വിശുദ്ധ കുർബാനക്കുശേഷം മാതൃദിനo ആചരിച്ചു . പ്രസ്തുത ചടങ്ങിൽ ബഹുമാനപ്പെട്ട ഇടവക വികാരി മോൺ തോമസ് മുളവനാൽ എല്ലാ‍ അമ്മമാരേയും അനുമോദിക്കുകയും, അവർക്കുവേണ്ടി പ്രത്യേകം പ്രാർത്ഥന ചൊല്ലി ആശീർവദിച്ചനുഗ്രഹിക്കുകയും ചെയ്തു.

ത്യാഗങ്ങളിലൂടെ സഹനങ്ങളെ അധിജീവിച്ചുകൊണ്ട് കുടുംബങ്ങളുടെ വിളക്കായി മാറിയ എല്ലാ മാതാക്കൾക്കo സ്നേഹത്തിന്റെയും സന്താഷത്തിന്റെയും നന്ദി സൂചകമായി റോസാപ്പൂക്കൾ നൽകി ആദരിക്കുകയുണ്ടായി . അറന്നൂറിൽ പരം മാതാക്കൾ പങ്കെടുത്ത ഈ മാതൃദിന ചടങ്ങിന് ഇടവകയിലെ കൈക്കാരന്മാരുo സിസ്റ്റേഴസുo നേതൃത്വം നല്കി.

Read more

ഷിക്കാഗോ ക്നാനാ‍യ ഫൊറോനായിൽ 40 മണിക്കൂർ ആരാധന

ഷിക്കാഗോ: ഷിക്കാഗോ തിരുഹൃദയ ക്നാനാ‍യ കത്തോലിക്കാ ഫൊറോനായിൽ നാല്‍പ്പതു മണിക്കൂര്‍ ആരാധന, പരിശുദ്ധ കുർബാനയുടെ തിരുന്നാൾ ദിവസമായ ജൂൺ 15 വ്യാഴാഴ്ച വൈകുന്നേരം 7.00 നുള്ള ദിവ്യബലിയോടെ ആരംഭിക്കും.

അമേരിക്കൻ ഐക്യനാടുകളിൽ ഇദം പ്രദമായി ഷിക്കാഗോ തിരുഹൃദയ ക്നാനാ‍യ കത്തോലിക്കാ ദൈവാലയത്തിൽ ആരംഭിച്ച നാല്‍പ്പതു മണിക്കൂര്‍ ആരാധന ഈവർഷവും, ഫൊറോനാ ഇടവക വികാരി റവ. ഫാ. എബ്രാഹം മുത്തോലത്തിന്റെ മുഖ്യ കാർമ്മികത്വത്തിലുള്ള ദിവ്യബലിയോടെ ആരംഭിക്കുന്നു. തുടർന്ന് യുവജനവർഷം പ്രമാണിച്ച് യുവതി-യുവാക്കളെ സമർപ്പിച്ചുള്ള പ്രത്യേക പ്രാർത്ഥനകളും, ദമ്പതിമാർക്കും കുടുംബങ്ങൾക്കുവേണ്ടിയും, സന്യസ്തർക്കും, ദൈവവിളിക്കുമായും പ്രത്യേക പ്രാർത്ഥനകളും ഉണ്ടായിരിക്കും. ഷിക്കാഗോ ക്നാനായ കത്തോലിക്ക വികാരി ജെനറാൾ മോൺ. തോമസ്‌ മുളവനാൽ, റവ. ഫാ. എബ്രാഹം മുത്തോലത്ത്‌, റവ. ഫാ. ബാബു മഠത്തിപറമ്പിൽ, റവ. ഫാ. പോൾ ചാലിശ്ശേരി, അസി. വികാരി റവ. ഫാ. ബോബൻ വട്ടംപുറത്ത്‌, തുടങ്ങിയ അഭിഷിക്തരും, വിവിധ കൂടാര യോഗങ്ങൾ, മിനിസ്ട്രികൾ, ജീസസ്‌ യൂത്ത്‌, സഹോദര ഇടവക സമൂഹങ്ങൾ, മതബോധന വിദ്യാർത്ഥികൾ, തുടങ്ങി നിരവധി കൂട്ടായ്മകളുമാണ്‌ ആരാധനക്ക്‌ നേതൃത്വം നല്ക്കുന്നത്‌. എല്ലാദിവസവും ഭക്തിനിർഭരമായ വിശുദ്ധ കുർബാന, വചനസന്ദേശം, രോഗശാന്തി ശുശ്രൂഷകൾ, ദിവ്യകാരുണ്യ പ്രദക്ഷിണം, അഭിഷേക പ്രാർത്ഥനകൾ എന്നിവ ഉണ്ടായിരിക്കും.

ഞായറാഴ്ച വൈകുന്നേരം 5.00 ന് മോൺ. തോമസ് മുളവനാലിന്റെ മുഖ്യകാര്‍മികത്വത്തിലും, ഫാ. പോൾ ചാലിശ്ശേരി, ഫാ. എബ്രാഹം മുത്തോലത്ത്, എന്നിവരുടെ സഹകാർമികത്വത്തിലുമുള്ള ദിവ്യബലിയെ തുടര്‍ന്ന് ദിവ്യകാരുണ്യ പ്രദക്ഷിണവും സമാപനവും നടക്കും. ഇടവക പതിനൊന്നാം വർഷം പിന്നിടുമ്പോൾ, ദൈവ വചനം ശ്രവിച്ചു ധ്യാനിച്ച് ദൈവസന്നിധിയിൽ സ്വർഗീയാനുഭൂതിയിൽ ലയിക്കുവാൻ ഏവരേയും ക്ഷണിക്കുന്നുവെന്ന് വികാരി റവ. ഫാ. എബ്രാഹം മുത്തോലത്ത്, അസി. വികാരി ഫാ. ബോബൻ വട്ടം‌പുറത്ത്, എക്സ്സിക്കൂട്ടീവ് അംഗങ്ങളായ തോമസ് നെടുവാമ്പുഴ (ട്രസ്റ്റി കോഡിനേറ്റർ), ട്രസ്റ്റിമാരായ മാത്യു ഇടിയാലിൽ, സഖറിയ ചേലക്കൽ, മാത്യു ചെമ്മലക്കുഴി, സെക്രട്ടറി ടോണി പുല്ലാപ്പള്ളി, ട്രഷറർ സണ്ണി മുത്തോലത്ത്, പി. ആർ. ഒ. ബിനോയി കിഴക്കനടി എന്നിവര്‍ അറിയിച്ചു.

Read more

ആവേശ തിരയിളക്കി "ദിലീപ് ഷോ" ചിക്കാഗോയില്‍ പെയ്തിറങ്ങി

ആവേശ തിരയിളക്കി "ദിലീപ് ഷോ" 
ചിക്കാഗോയില്‍ പെയ്തിറങ്ങി
ചിക്കാഗോ: ക്‌നാനായ കാത്തലിക്  സൊസൈറ്റിയുടെ ആഭിമുഖ്യത്തില്‍ മെയ് 13-ാം തീയതി ഗേറ്റ്‌വേ തീയേറ്ററില്‍വച്ച് നടത്തപ്പെട്ട ഫണ്ട് റൈസിംഗ് പ്രോഗ്രാം "ദിലീപ് ഷോ 2017" അവതരണ മികവിലൂടെ ചിക്കാഗോ മലയാളികളുടെ ഇടയില്‍ ആവേശത്തിരയിളക്കി  പെയ്തിറങ്ങി. ശനിയാഴ്ച വൈകുന്നേരം  7 മണിക്ക് ക്‌നാനായ റീജിയണ്‍ ഡയറക്ടര്‍ റവ. ഫാ. തോമസ് മുളവനാല്‍ തിരികൊളുത്തി ഉദ്ഘാടനം ചെയ്ത പ്രോഗ്രാം രാത്രി 11 മണിക്കാണ് അവസാനിച്ചത്. അമേരിക്കയില്‍ ഈ വര്‍ഷം വന്ന ഏറ്റവും വലുതും കലാകാരന്മാരെക്കൊണ്ട് സമ്പന്നവുമായ ദിലീപ്‌ഷോ 2017 നടന്നിടത്തെല്ലാം വന്‍ വിജയമായിരുന്നു. 
മലയാളത്തിലും തമിഴിലുമായി കലാമൂല്യമുള്ളതും ജനശ്രദ്ധയാകര്‍ഷിച്ചതുമായ ധാരാളം ചിത്രങ്ങളില്‍ വ്യത്യസ്തമാ കഥാപാത്രങ്ങളെ അവതരിപ്പിച്ച് കുടുംബമനസ്സുകളില്‍ ഇടംനേടിയ  ദിലീപും സംഘവും അടിപൊളി ഗാനങ്ങളും, നൃത്തങ്ങളും, സൂപ്പര്‍ഹിറ്റ് കോമഡിഷോകളുമാണ് സ്റ്റേജില്‍ അവതരിപ്പിച്ചത്. നാദിര്‍ഷാ അണിയിച്ചൊരുക്കിയ ഈ ഷോയില്‍ ദിലീപിനെ കൂടാതെ റിമി ടോമി, കാവ്യാ മാധവന്‍, രമേഷ് പിഷാരടി, ധര്‍മ്മജന്‍, നമിത പ്രമോദ്, കൊല്ലം സുധി, സുബി സുരേഷ്, ഹരിശ്രീ യൂസഫ്, ഏലൂര്‍ ജോര്‍ജ്, റോഷന്‍ ചിറ്റൂര്‍, സമദ് തുടങ്ങി 26 ല്‍പ്പരം കലാകാരന്മാര്‍ സദസ്സിനെ ആവേശത്തിന്റെ നിറുകയില്‍ എത്തിച്ചു. ചിക്കാഗോയില്‍ വളരെ നാളുകള്‍ക്കുശേഷമാണ് ഇത്രയും ജനപങ്കാളിത്തമുള്ള ഒരു സ്റ്റേജ് ഷോ അരങ്ങേറിയത്. ഗേറ്റ്‌വേ തിയറ്റല്‍ നിറഞ്ഞുനിന്ന ഷോയുടെ ടിക്കറ്റുകള്‍ അവസാനദിവസം സോള്‍ഡ് ഔട്ടായി. ഈ ഷോ  ഒരു മെഗാഷോ ആക്കിമാറ്റിയ ചിക്കാഗോയിലെ എല്ലാ മലയാളി സുഹൃത്തുക്കള്‍ക്കും ചിക്കാഗോ കെ.സി.എസിന്റെ നന്ദിയും കടപ്പാടും ചിക്കാഗോ കെ.സി.എസ്. വൈസ് പ്രസിഡന്റ് സാജു കണ്ണമ്പള്ളി അറിയിച്ചു. ദിലീപ് ഷോയ്ക്ക് ബിനു പൂത്തുറയില്‍, സാജു കണ്ണമ്പള്ളി, ജോണിക്കുട്ടി പിള്ളവീട്ടില്‍, ഡിബിന്‍ വിലങ്ങുകല്ലേല്‍, ഷിബു മുളയാനിക്കുന്നേല്‍, ബൈജു കുന്നേല്‍, തോമസ് പൂതക്കരി, ജിനോ കക്കാട്ടില്‍, ജോസ് സൈമണ്‍ മുണ്ടപ്ലാക്കില്‍, സാജന്‍ പച്ചിലമാക്കില്‍ എന്നിവര്‍ നേതൃത്വം നല്‍കി. 

ചിക്കാഗോ: ക്‌നാനായ കാത്തലിക്  സൊസൈറ്റിയുടെ ആഭിമുഖ്യത്തില്‍ മെയ് 13-ാം തീയതി ഗേറ്റ്‌വേ തീയേറ്ററില്‍വച്ച് നടത്തപ്പെട്ട ഫണ്ട് റൈസിംഗ് പ്രോഗ്രാം "ദിലീപ് ഷോ 2017" അവതരണ മികവിലൂടെ ചിക്കാഗോ മലയാളികളുടെ ഇടയില്‍ ആവേശത്തിരയിളക്കി  പെയ്തിറങ്ങി. ശനിയാഴ്ച വൈകുന്നേരം  7 മണിക്ക് ക്‌നാനായ റീജിയണ്‍ ഡയറക്ടര്‍ റവ. ഫാ. തോമസ് മുളവനാല്‍ തിരികൊളുത്തി ഉദ്ഘാടനം ചെയ്ത പ്രോഗ്രാം രാത്രി 11 മണിക്കാണ് അവസാനിച്ചത്. അമേരിക്കയില്‍ ഈ വര്‍ഷം വന്ന ഏറ്റവും വലുതും കലാകാരന്മാരെക്കൊണ്ട് സമ്പന്നവുമായ ദിലീപ്‌ഷോ 2017 നടന്നിടത്തെല്ലാം വന്‍ വിജയമായിരുന്നു. 

മലയാളത്തിലും തമിഴിലുമായി കലാമൂല്യമുള്ളതും ജനശ്രദ്ധയാകര്‍ഷിച്ചതുമായ ധാരാളം ചിത്രങ്ങളില്‍ വ്യത്യസ്തമാ കഥാപാത്രങ്ങളെ അവതരിപ്പിച്ച് കുടുംബമനസ്സുകളില്‍ ഇടംനേടിയ  ദിലീപും സംഘവും അടിപൊളി ഗാനങ്ങളും, നൃത്തങ്ങളും, സൂപ്പര്‍ഹിറ്റ് കോമഡിഷോകളുമാണ് സ്റ്റേജില്‍ അവതരിപ്പിച്ചത്. നാദിര്‍ഷാ അണിയിച്ചൊരുക്കിയ ഈ ഷോയില്‍ ദിലീപിനെ കൂടാതെ റിമി ടോമി, കാവ്യാ മാധവന്‍, രമേഷ് പിഷാരടി, ധര്‍മ്മജന്‍, നമിത പ്രമോദ്, കൊല്ലം സുധി, സുബി സുരേഷ്, ഹരിശ്രീ യൂസഫ്, ഏലൂര്‍ ജോര്‍ജ്, റോഷന്‍ ചിറ്റൂര്‍, സമദ് തുടങ്ങി 26 ല്‍പ്പരം കലാകാരന്മാര്‍ സദസ്സിനെ ആവേശത്തിന്റെ നിറുകയില്‍ എത്തിച്ചു. ചിക്കാഗോയില്‍ വളരെ നാളുകള്‍ക്കുശേഷമാണ് ഇത്രയും ജനപങ്കാളിത്തമുള്ള ഒരു സ്റ്റേജ് ഷോ അരങ്ങേറിയത്. ഗേറ്റ്‌വേ തിയറ്റല്‍ നിറഞ്ഞുനിന്ന ഷോയുടെ ടിക്കറ്റുകള്‍ അവസാനദിവസം സോള്‍ഡ് ഔട്ടായി. ഈ ഷോ  ഒരു മെഗാഷോ ആക്കിമാറ്റിയ ചിക്കാഗോയിലെ എല്ലാ മലയാളി സുഹൃത്തുക്കള്‍ക്കും ചിക്കാഗോ കെ.സി.എസിന്റെ നന്ദിയും കടപ്പാടും ചിക്കാഗോ കെ.സി.എസ്. വൈസ് പ്രസിഡന്റ് സാജു കണ്ണമ്പള്ളി അറിയിച്ചു. ദിലീപ് ഷോയ്ക്ക് ബിനു പൂത്തുറയില്‍, സാജു കണ്ണമ്പള്ളി, ജോണിക്കുട്ടി പിള്ളവീട്ടില്‍, ഡിബിന്‍ വിലങ്ങുകല്ലേല്‍, ഷിബു മുളയാനിക്കുന്നേല്‍, ബൈജു കുന്നേല്‍, തോമസ് പൂതക്കരി, ജിനോ കക്കാട്ടില്‍, ജോസ് സൈമണ്‍ മുണ്ടപ്ലാക്കില്‍, സാജന്‍ പച്ചിലമാക്കില്‍ എന്നിവര്‍ നേതൃത്വം നല്‍കി. 

Read more

പയ്യാവൂരിലെ കുട്ടന് ആശ്വാസവുമായി ഓൺലൈൻ അമേരിക്കൻ ക്നാനായ സമൂഹം.

പയ്യാവൂർ: കഴിഞ്ഞ ഫെബ്രുവരി മാസത്തിൽ ക്നാനായവോയിസിലൂടെ പ്രസിദ്ധീകരിക്കുകയും സോഷ്യൽ മീഡിയയിലൂടെ ക്നാനായ മക്കൾ നെഞ്ചിലേറ്റിയ  ചെയ്ത പയ്യാവൂരിലെ കുട്ടന്റെ നിർധന കുടുംബത്തിന് വേണ്ടി ഗോ ഫണ്ട് മി യിലൂടെ  ആരംഭിച്ച ധനാ സമാഹാരം യജ്ഞത്തിന് ശുഭാന്ത്യം. ഡാളസ്സിൽ നിന്നും ജൈസൺ ഓളിയിൽ  എന്ന ക്നാനാനായ യുവാവ് കൊളുത്തി വിട്ട ദീപം,  സോഷ്യൽ മീഡിയയിലൂടെ നൂറുകണക്കിന് ക്നാനായ മക്കൾ സഭാ - സംഘടനാ രാഷ്ട്രീയവും വ്യത്യാസങ്ങളും മാറ്റിവെച്ചുകൊണ്ട് ഏറ്റുവാങ്ങിയപ്പോൾ ക്നാനായ സമുദായത്തിന്റെ ചരിത്രത്തിൽ ഇടംപിടിച്ച, ആദ്യമായി പള്ളികളുടെയോ  സംഘടനകളുടെയോ പിൻബലമില്ലാതെ നടത്തപ്പെട്ട ഏറ്റവും വലിയ ഒരു ധനസമാഹരണമായി അത് മാറി. ഇരുപതിനായിരത്തിലധികം ഡോളർ ഈ വഴിയിൽ കൂടി മാത്രം സംഹാരിച്ചുവെങ്കിലും, പല രാജ്യങ്ങളിൽ നിന്നായി, പല രീതിയിൽ ഈ കുടുംബത്തിന് വേണ്ടി നിരവധി സുമനസ്സുകൾ നേരിട്ടും അല്ലാതെയും ധനം സമാഹരിച്ചു എന്നാണു അറിയുവാൻ കഴിഞ്ഞത്. ചുരുക്കത്തിൽ ലോകമെമ്പാടുമുള്ള ക്നാനായ സമൂഹം ഈ കുടുംബത്തിന് വേണ്ടി ഒന്നിച്ചപ്പോൾ , കുട്ടന് ലഭിച്ചത് ആരംഭിച്ച വീടിന്റെ നിർമ്മാണ പൂർത്തീകരണവും, മുന്നോട്ടുള്ള ജീവിതത്തിനു ഒരു കൈത്താങ്ങുമാണ്. ക്യാൻസർ ബാധിതയായ അമ്മ ഈ ലോകത്തോട് വിടപറഞ്ഞു പോയി എങ്കിലും കുട്ടനും സഹോദരി ജസ്റ്റിക്കും ആശ്വാസമായികൊണ്ട് ഒരുമിച്ച ഓൺലൈൻ ക്നാനായ സമൂഹത്തിന് ക്നാനായ വോയിസിന്റെ പ്രണാമം.

കല്ലറ പഴയപള്ളി ഇടവകാംഗവും ഡാളസ്സിൽ സ്ഥിര താമസക്കാരനുമായ ജൈസൺ ഓളിയിൽ ആരംഭിച്ച ഗോ ഫണ്ട് മി കാമ്പയിനിൽ ഗോ ഫണ്ട് മി യുടെ സർവ്വീസ് ചാർജ്ജ് കഴിച്ച് കിട്ടിയ 18775 അമേരിക്കൻ ഡോളർ , കഴിഞ്ഞ ദിവസം കുട്ടന് വേണ്ടി പയ്യാവൂർ ഫെഡറൽ ബാങ്കിൽ ആരംഭിച്ച ഫിക്സഡ് ഡിപ്പോസിറ്റ് അക്കൗണ്ടിൽ നിക്ഷേപിച്ചിരുന്നു. താമ്പായിൽ നിന്നും ജെയിംസ് ഇല്ലിക്കൽ, സേവ്യർ വണ്ടംകുഴിയിൽ എന്നിവരുടെ സഹായത്താലാണ് ഈ തുക കൈമാറുവാൻ സാധിച്ചത്. എല്ലാ മാസവും ഫിക്സഡ് ഡിപ്പോസിറ്റ് അക്കൗണ്ടിൽ നിന്നും ലഭിക്കുന്ന പലിശ മുഴുവനായും കുട്ടന്റെ ജീവിത ചിലവുകൾക്കായി ലഭ്യമാക്കത്തക്ക വിധത്തിലാണ് പണം നിക്ഷേപിക്കപ്പെട്ടിരിക്കുന്നത്. എന്നാൽ കുട്ടന്റെ ആരോഗ്യ പരമായ അത്യാവശ്യ സന്ദർഭങ്ങളിൽ , കൂടുതൽ തുക ഉപയോഗിക്കുവാനും സാധിക്കുന്നതായിരിക്കും. ഈ ധന സമാഹരണത്തിൽ പങ്കു ചേർന്ന എല്ലാവർക്കും ഹ്രദയപൂർവ്വം നന്ദി പറയുന്നതായി കുട്ടൻ അറിയിച്ചു എന്ന് ധനസമാഹരണ യജ്ഞത്തിന് നേതൃത്വം നൽകിയ ജൈസൺ ഓളിയിലും ജെയിംസ് ഇല്ലിക്കലും അറിയിച്ചു. ഈ വാർത്ത പ്രസിദ്ധീകരിച്ചു എന്ന കാരണം കൊണ്ട് ക്നാനായ വോയിസിനെപോലും  പ്രതിക്കൂട്ടിലാക്കുവാനും തെറ്റിധാരണ പരത്തുവാനും ചിലർ ശ്രമിച്ചു എങ്കിലും, സത്യം തിരിച്ചറിഞ്ഞു കൊണ്ട്, നല്ല മനസ്സോടെ ഈ കുടുംബത്തിന് വേണ്ടി നിന്ന എല്ലാവര്ക്കും ഒരിക്കൽ കൂടി നന്ദി.

ഇത് സംബന്ധിച്ച് നൽകിയ വാർത്തയുടെ ലിങ്ക് താഴെ കൊടുത്തിരിക്കുന്നു.

http://knanayavoice.in/index.php?news=5029&cat=america

Read more

കെ.സി.സി.എസ്.സി. ക്യാമ്പിംഗ് സംഘടിപ്പിക്കുന്നു

ലോസ് ഏഞ്ചൽസ്: ക്നാനായ കാത്തലിക്ക് കോൺഗ്രസ് ഓഫ് സതേൺ കാലിഫോർണിയ (കെ.സി.സി.എസ്.സി) യുടെ നേതൃത്വത്തിൽ മൂന്ന് ദിവസം നീണ്ടു നിൽക്കുന്ന ക്യാമ്പിംഗ് സംഘടിപ്പിക്കുന്നു. മെയ് 19,20,21 തീയതികളിൽ ലേക്ക് പെരിസിൽ വച്ചാണ് ക്യാമ്പിംഗ്. കെ.സി.സി.എസ്.സി പ്രസിഡണ്ട് ഷിജു അപ്പോഴിയിൽ, വൈസ് പ്രസിഡണ്ട് ടീന മാനുങ്കൽ, സെക്രട്ടറി ജോൺ വള്ളിപ്പടവിൽ, ജോ. സെക്രട്ടറി ദീപക് മുണ്ടുപാലത്തുങ്കൽ, ട്രഷറർ ചാക്കോ തെക്കേക്കരോട്ട്, കമ്മറ്റി അംഗങ്ങൾ എന്നിവർ പരിപാടികൾക്ക് നേതൃത്വം നൽകും.

Read more

ഷിക്കാഗോ സേക്രഡ് ഹാർട്ടിൽ മദേഴ്സ് ഡെ ആഘോഷിച്ചു

ഷിക്കാഗോ: ഷിക്കാഗോ തിരുഹൃദയ ക്നാനാ‍യ കത്തോലിക്കാ ഫൊറോനായിൽ, മെയ് 14 - ന് ഒമ്പതേ മുക്കാലിനു നടന്ന വിശുദ്ധ കുർബാനക്കുശേഷം ബഹുമാനപ്പെട്ട ഫൊറോനാ വികാരി വെരി റെവ. ഫാദർ എബ്രാഹം മുത്തോലത്ത് എല്ലാ‍ അമ്മമാരേയും അനുമോദിക്കുകയും, അവർക്കുവേണ്ടി പ്രത്യേകം പ്രാർത്ഥന ചൊല്ലി അനുഗ്രഹിക്കുകയും ചെയ്തു. കുടുംബങ്ങളുടെ പ്രകാശമായ മാതാക്കൾക്കുള്ള നന്ദി പ്രകാശമായി റോസാപ്പൂക്കൾ നൽകി ആദരിക്കുകയും ചെയ്തു. മെൻസ് മിനിസ്ട്രിയുടെ നേത്യത്വത്തിൽ സ്നേഹവിരുന്നും ഉണ്ടായിരുന്നു.

Read more

ഫാ. ലൂക്ക് കളരിക്കലിന് ഡോക്ടറേറ്റ്

ടെക്സാസ്: എം.എസ്.എഫ്.എസ് സഭാംഗവും കല്ലറ പഴയ പള്ളി ഇടവകാംഗവുമായ ഫാ. ലൂക്ക് കളരിക്കലിന് ഹെല്‍ത്ത് കെയര്‍ എത്തിക്സ് എന്ന വിഷയത്തില്‍ ഡോക്ടറേറ്റ് ലഭിച്ചു. ടെക്സാസിലെ ക്രൈസ്റ്റസ് മദര്‍ ഫ്രാന്‍സസ് ആശുപത്രിയില്‍ അസോസിയേറ്റ് പാസ്റ്ററല്‍ ഡയറക്ടറാണ് ഫാ. ലൂക്ക്.

Read more

ഷിക്കാഗോ തിരുഹ്യദയ ക്നാനായ ഫൊറോനായിൽ പരി. ഫാത്തിമ മാതാവിന്റെ ശതാബ്ദി തിരുന്നാൾ ആചരിച്ചു

ഷിക്കാഗൊ: ഷിക്കാഗോ തിരുഹൃദയ ക്നാനായ കത്തോലിക്ക ഫൊറോനാ ദൈവാലയത്തിൽ, പരിശുദ്ധ ഫാത്തിമ മാതാവിന്റെ ശതാബ്ദി തിരുന്നാൾ ഭക്തിപുരസരം ആചരിച്ചു. ഫാത്തിമാ പ്രത്യക്ഷീകരണത്തിന്റെ ശതാബ്ദി വര്‍ഷം പ്രമാണിച്ച് മെയ് 14 ഞായറാഴ്ച രാവിലെ 9:45 ന് ഫൊറോനാ വികാരി വെരി റെവ. ഫാദർ എബ്രാഹം മുത്തോലത്തിന്റെ കാർമ്മികത്വത്തിലാണ് തിരുകർമ്മങ്ങൾ നടന്നത്.

പോര്‍ച്ചുഗലിലെ ഫാത്തിമയില്‍ പരിശുദ്ധ കന്യകാമറിയം ഇടയ കുട്ടികളായ ലൂസിയാ, ഫ്രാന്‍സിസ്‌കോ, ജസീന്താ എന്നിവര്‍ക്കു 6 പ്രാവശ്യം പ്രത്യക്ഷപ്പെട്ടതിനേപ്പറ്റിയും, അതിന് മുന്നോടിയായി മാലാഖ കുട്ടികൾക്ക് പ്രത്യക്ഷപ്പെട്ട് അവരെ ഒരുക്കിയതിനേപ്പറ്റിയും, നൂറു വര്‍ഷം പൂര്‍ത്തിയായ ഈ വർഷത്തിൽ പരിശുദ്ധ പിതാവ് ഫ്രാൻസീസ് പാപ്പ ജസീന്തായേയും ഫ്രാന്‍സിസ്‌കോയേയും ഫാത്തിമയില്‍വച്ച് വിശുദ്ധരായി പ്രഖ്യാപിച്ചതിനേപറ്റിയും ബഹു. മുത്തോലത്തച്ചൻ തന്റെ തിരുന്നാൾ സന്ദേശത്തിൽ വിശദീകരിക്കുകയും,ശതാബ്ദി തിരുന്നാളിന്റെ എല്ലാ ആശംസകൾ നേരുകയും ചെയ്തു.

കുര്യൻ & ഏലമ്മ നെല്ലാമറ്റം, ഫിലിപ്പ് & ആൻസി കണ്ണോത്തറ, ഡിലീപ് & സിൻസി മാധവപ്പള്ളിൽ, റീത്താമ്മ ആക്കാത്തറ, റെജി മാത്യു എന്നിവരും അവരുടെ കുടും‌മ്പാംഗങ്ങളുമായിരുന്നു തിരുന്നാളിന്റെ പ്രെസുദേന്തിമാർ. എക്സിക്കൂട്ടീവ് അംഗങ്ങളായ തോമസ് നെടുവാമ്പുഴ, മാത്യു ഇടിയാലി, സക്കറിയ ചേലക്കൽ, മാത്യു ചെമ്മലകുഴി, റ്റോണി പുല്ലാപ്പള്ളി, സണ്ണി മുത്തോലത്ത്, ബിനോയി കിഴക്കനടി എന്നിവർ ചടങ്ങുകൾക്ക് നേത്യത്വം നൽകി.

Read more

ക്നാനായ റീജിയൺ ഫാമിലി കോൺഫ്രൻസ്: യുവജനങ്ങൾക്കായി പ്രത്യേക പരിപാടികൾക്കായി പ്രമുഖർ എത്തുന്നു.

ചിക്കാഗോ: ക്നാനായ റീജിയന്റെ ആഭിമുഖ്യത്തിൽ നടത്തപ്പെടുന്ന പ്രഥമ ഫാമിലി കോൺഫ്രൻസിൽ കുട്ടികൾക്കും യുവജനങ്ങൾക്കും വേണ്ടി നവീകരണ സെമിനാറുകൾ നയിക്കുവാൻ പ്രമുഖ വാഗ്മികളും  വചനപ്രഘോഷകരും എത്തുന്നു.  ജൂൺ 30 മുതൽ ജൂലൈ 2 വരെ ചിക്കാഗോയിൽ വച്ച് നടത്തപ്പെടുന്ന ഫാമിലി കോൺഫ്രൻസിൽ യുവജനങ്ങൾക്ക് വേണ്ടി ഷിക്കാഗോ സേക്രട്ട് ഹാർട്ട് ഇടവക ദൈവാലയത്തിൽ വച്ച് നടത്തപെടുന്ന പരിപാടികളിൽ പ്രമുഖ വചന പ്രഘോഷകരായ ഫാ. തോമസ് ലോയ, ബ്രദർ റെജി കൊട്ടാരം, ഡോ. മാർക്ക് നീമോ, ഡോ. അലക്സ് ഗോട്ടേയ്‌,  എന്നിവരാണ് എത്തുന്നത്. 

ഇല്ലിനോയിസിലെ മദർ ഓഫ് ഗോഡ് ബൈസന്റൈൻ കത്തോലിക്കാ ഇടവക വികാരിയായ ഫാ. തോമസ് ലോയ, അന്താരാഷ്‌ട്ര തലത്തിൽ തന്നെ വളരെയധികം ആദരിക്കപ്പെടുന്ന വാഗ്മിയും വചന പ്രഘോഷകനുമാണ്. 2002 ലെ ആഗോള യൂത്ത് ഡേയ് ഉൾപ്പെടെ,  പ്രമുഖ ക്രൈസ്തവ കോണ്ഫറന്സുകളിലെ അറിയപ്പെടുന്ന വാഗ്മിയായ  അദ്ദേഹം, പൗരസ്ത്യ സഭകളുടെ കാര്യത്തിൽ ഏറെ അറിയപ്പെടുന്ന വിദഗ്ധനാണ്.  അന്താരാഷ്‌ട്ര തലത്തിൽ തന്നെ വചന പ്രഘോഷണത്തിൽ അറിയപ്പെടുന്ന ബ്രദർ റെജി കൊട്ടാരം, അമേരിക്കയിൽ യുവജനങ്ങളുടെ നവീകരണത്തിനായി യുവജനങ്ങളാൽ തന്നെ നയിക്കപ്പെടുന്ന കൈറോസ് യൂത്ത് മിനിസ്ട്രിക്ക് നേതൃത്വം നൽകുന്ന സുപരിചിതനായ വ്യക്തിയാണ്. വെസ്റ്റ് ആഫ്രിക്കയിലെ ഗാനയിൽ ജനിച്ച് 37 രാജ്യങ്ങളിലായി കരിസ്മാറ്റിക്ക് നവീകരണ പ്രവർത്തനങ്ങൾ നടത്തുകയും, അമേരിക്കയിലെ ലത്തീൻ കത്തോലിക്കാ സഭയിലെ അറിയപ്പെടുന്ന വചന പ്രഘോഷകനും വാഗ്മിയുമാണ് ഫാമിലി കോൺഫ്രൻസിൽ പങ്കെടുക്കുന്ന ഡോ. മാർക്ക് നീമോ. ഹൂസ്റ്റണിലെ ഗാൽവേസ്റ്റൺ അതിരൂപതയിലും അമേരിക്കയിലെ മറ്റ് കത്തോലിക്കാ രൂപതകളിലുമായി യുവജനങ്ങൾക്ക് വേണ്ടി പ്രത്യേക യൂത്ത് മിനിസ്ട്രിക്ക് നേതൃത്വം കൊടുക്കുകയും, തനതായ ശൈലിയിലുള്ള വചന പ്രഘോഷങ്ങൾകൊണ്ട് യുവജനങ്ങൾക്കും മുതിർന്നവർക്കും ഒരു പോലെ പ്രിയങ്കരനാവുകയും ചെയ്തിട്ടുള്ള വ്യക്തിയാണ് ഡോ. അലക്സ് ഗോട്ടേയ്‌. യുവജനങ്ങൾക്ക് വേണ്ടിയുള്ള പരിപാടികൾ ആസൂത്രണം ചെയ്യുന്നത് യുവജനങ്ങൾ തന്നെ നേതൃത്വം നൽകുന്ന കമ്മറ്റിയാണ് എന്നതാണ് ഈ ഫാമിലി കോൺഫറൻസിന്റെ സവിശേഷത. അവർക്കുവേണ്ടിയുള്ള പരിപാടികൾ നയിക്കുവാനുള്ളവരെയും അവർ തന്നെയാണ് കണ്ടെത്തിയത് എന്നത് ഈ ഫാമിലി കോൺഫ്രൻസിനോടുള്ള യുവജനങ്ങളുടെ പ്രതിബദ്ധതയാണ് കാണിക്കുന്നത് എന്ന് ഫാമിലി കോൺഫറൻസിന് ചുക്കാൻ പിടിക്കുന്ന ക്നാനായ റീജിയൻ ഡയറക്ടർ ഫാ. തോമസ് മുളവനാൽ അറിയിച്ചു.

മുതിർന്നവർക്ക് വേണ്ടിയുള്ള പരിപാടികൾ നയിക്കുവാൻ  ഫാ. ജോസഫ് പാംപ്ലാനി, ഫാ. ജോസഫ് പുത്തെൻപുരയിൽ എന്നിവരും എത്തുന്നുണ്ട്. എല്ലാ ദിവസവും രാവിലെ 9 മണിക്ക് വി. കുർബ്ബാനയോടെ ആരംഭിച്ച്, ഉച്ച വരെ കുടുംബ നവീകരണ പ്രഭാഷണങ്ങളും, ഉച്ച കഴിഞ്ഞു കുടുംബ ജീവിതവും യുവജനങ്ങളുടെയും കുട്ടികളുടെയും പരിശീലനവും ആസ്പദമാക്കി സെമിനാറുകളും, വൈകുന്നേരങ്ങളിൽ ഇടവകളുടെയും മിഷനുകളുടെയും നേതൃത്വത്തിൽ ബൈബിൾ അധിഷ്ഠിതവും, ക്നാനായ പാരമ്പര്യങ്ങളിൽ അധിഷ്ഠിതവുമായ കലാ പരിപാടികളുമായി രാത്രി 9 മണിയോടെ സമാപിക്കുന്ന രീതിയിലാണ് പരിപാടികൾ ക്രമീകരിച്ചിരിക്കുന്നത്. മുതിർന്നവർക്ക് വേണ്ടി ചിക്കാഗോ സെന്റ് മേരീസ് ക്നാനായ ദൈവാലയത്തിലും, കുട്ടികൾക്ക് വേണ്ടി ചിക്കാഗോ സേക്രട്ട് ഹാർട്ട് ഫൊറോനാ ദൈവാലയത്തിലുമാണ് പരിപാടികൾ നടത്തപ്പെടുക.  ക്നാനായ സമുദായത്തെ സംബന്ധിച്ചും, സഭാത്മകമായ കുടുംബ നവീകരണത്തെ സംബന്ധിച്ചും, യുവജന വർഷവുമായി ബന്ധപ്പെട്ടതുമായ  വിഷയങ്ങളെ ആസ്പദമാക്കിയാണ് സെമിനാറുകൾ സംഘടിപ്പിക്കുന്നത്.  സാമൂഹിക മാധ്യമങ്ങളുടെ ആധുനിക യുഗത്തിൽ, കുടുംബങ്ങളിൽ ഉണ്ടായിക്കൊണ്ടിരിക്കുന്ന മൂല്യച്യുതിയും സഭയെപ്പറ്റിയുള്ള വികലമായ കാഴ്ചപ്പാടുകളും തിരുത്തികൊണ്ടു, പുതിയ ഒരു തലമുറയെ വാർത്തെടുക്കുവാനും, സുറിയാനി കത്തോലിക്കാ സഭയുടെ വളർച്ചയിൽ നിർണ്ണായക പങ്കു വഹിച്ച ക്നാനായ സമുദായത്തിന്റെ പാരമ്പര്യങ്ങളെ കൂടുതൽ ആഴത്തിൽ മനസ്സിലാക്കിക്കൊണ്ട്, വരും തലമുറകളിലേക്ക് അവയെ പകർന്നു നൽകുവാനും റീജിയണിലെ അംഗങ്ങളെ പ്രാപ്തരാക്കുക എന്നുള്ള ലക്ഷ്യമാണ് ക്നാനായ റീജിയന്റെ ഫാമിലി കോൺഫ്രൻസ് കൊണ്ട് ഉദ്ദേശിക്കുന്നത്.

ഫാമിലി കോൺഫ്രൻസ് സംബന്ധിച്ച് കൂടുതൽ വിവരങ്ങൾക്കായി ബന്ധപ്പെടുക 

ഫാ. തോമസ് മുളവനാൽ : 310 709 5111

ഫാ. എബ്രഹാം മുത്തോലത്ത് :773 412 6254

ഫാ. ബോബൻ വട്ടംപുറത്ത് :773 934 1644

Read more

ക്നാനായ ഹോംസ് താമ്പാ : ക്നാനായ റിട്ടയർമെന്റിന്റെ പറുദീസാ ഇനി മാസങ്ങൾ മാത്രം അകലെ.

താമ്പാ: അമേരിക്കയിലെ ക്നാനായ സമൂഹത്തിലെ റിട്ടയർമെന്റ് പ്രായം ചെന്നവരുടെ സ്വപനമായ അമേരിക്കയിലെ കേരളം എന്നറിയപ്പെടുന്ന താമ്പായിലെ ക്നാനായ ഹോംസ് എന്ന റിട്ടയർമെന്റ് പ്രൊജക്റ്റിന്റെ പണികൾ പുരോഗമിക്കുന്നു. വെറും മാസങ്ങൾ മാത്രം അകലെയായി നിൽക്കുന്ന ഈ റിട്ടയർമെന്റ് പ്രൊജക്റ്റിന്റെ 26 ൽ 16 വീടുകളും ഇതിനകം തന്നെ വിറ്റുപോയിരിക്കുകയാണ്. പ്രൊജക്റ്റിന്റെ സ്ഥല സൗകര്യങ്ങൾ ക്രമീകരിക്കുന്നത് ഈ വര്ഷം സെപ്തംബറോടുകൂടി പൂർത്തിയാകുന്നതോടെ, ഒക്ടോബർ മാസം മുതൽ തന്നെ വീടുകളുടെ നിർമ്മാണം ആരംഭിക്കാനാണ് പദ്ധതി തയ്യാറായിക്കൊണ്ടിരിക്കുന്നത്. 7.5 ഏക്കറിൽ നിലകൊള്ളൂന്ന ഈ ക്നാനായ റിട്ടയർമെന്റ് പ്രൊജക്റ്റിന്റെ ഭാഗമായി 3630 സ്‌ക്വയർ ഫീറ്റ് വലുപ്പമുള്ള ക്ലബ് ഹൌസ്, നീന്തൽ കുളം എന്നിവയും ഒരുങ്ങുന്നുണ്ട്. താമ്പായിലെ ക്നാനായ ഇടവക ദൈവാലയത്തിൽ നിന്നും വെറും മൂന്നു കിലോമീറ്ററിനുള്ളിലായി സ്ഥിതിചെയ്യുന്ന ഈ പറുദീസാ, അലാഫിയ നദിയിൽ നിന്നും മുന്നൂറ് അടി ദൂരത്തിലായാണ് സ്ഥാപിക്കപ്പെടുന്നത്. 2018 മാർച്ച് മാസത്തോടുകൂടി വീടുകളുടെ നിർമ്മാണം പൂർത്തിയാക്കുവാനുള്ള തയ്യാറെടുപ്പിലാണ് ഇതിനു പിന്നിൽ പ്രവർത്തിക്കുന്ന ഒരു കൂട്ടം ക്നാനായ സമുദായ സ്നേഹികൾ. മുൻ കെ സി സി എൻ എ നാഷണൽ കൗൺസിൽ അംഗമായ സ്റ്റീഫൻ തേവർക്കാട്ട് കെ സി സി എൻ എ നാഷണൽ കൗൺസിലിൽ അവതരിപ്പിച്ച് ഏവരുടെയും പ്രശംസ പിടിച്ച് പറ്റിയ പ്രൊജക്റ്റാണ് ഇത്. 16 സിംഗിൾ ഫാമിലി വീടുകളും പത്ത് ടൌൺ ഹൌസുകളുമാണ് ഈ പ്രൊജക്റ്റിന്റെ ഭാഗമായി നിർമ്മിക്കുന്നത്. ക്നാനായ സമുദായത്തിലെ പ്രായം ചെന്നവർക്ക് തങ്ങളുടെ വിശ്രമകാലത്ത് തങ്ങൾക്ക് താങ്ങാവുന്ന വിധത്തിൽ തങ്ങളുടെ ക്നാനായ ബന്ധുക്കളോടും സുഹൃത്തുക്കളോടും ഒപ്പം സമയം ചിലവിടുവാനും സമാധാനപരമായ ജീവിതം നയിക്കുവാനുമുള്ള അവസരമാണ് ഈ പ്രോജക്റ്റ് വഴിയായി ലക്ഷ്യമിടുന്നത് എന്ന് ഇതിനു നേതൃത്വം നൽകുന്ന സ്റ്റീഫൻ തേവർക്കാട്ട് ക്നാനായ വോയിസിനോട് പറഞ്ഞു. ഈ പ്രൊജക്റ്റിന്റെ ഭാഗമാകുവാൻ താല്പര്യമുള്ളവർ എത്രയും പെട്ടന്ന് തന്നെ ഇതിന്റെ ഭാരവാഹികളുമായി ബന്ധപ്പെടണമെന്ന് അദ്ദേഹം അഭ്യർത്ഥിച്ചു.

കൂടുതൽ വിവരങ്ങൾക്ക് ബന്ധപ്പെടുക.

സ്റ്റീഫൻ തേവർക്കാട്ട് - 845-521-1266

ജോസ് കോട്ടൂർ 248-802-6724

ഫിലിപ്പ് മേലാണ്ടശ്ശേരിൽ 813-368-1991

ജോണി പുത്തെൻപറമ്പിൽ 630-267-5123

സ്റ്റീഫൻ തൊട്ടിയിൽ 813-481-1199

തോമസ് പുതിയടത്ത്‌ശ്ശേരിൽ 813-417-4628

സതീഷ് തോമസ് 248-346-0984

Read more

ചിക്കാഗോ സെന്റ്‌ മേരീസില്‍ അർത്ഥവാർഷിക പൊതു യോഗം നടത്തി.

ചിക്കാഗോ മോർട്ടൺ ഗ്രോവ് ക്നാനായ കത്തോലിക്ക ഇടവക ദേവലയത്തിൽ വച്ച് മെയ് 14 ന് ഞായാറാച്, രാവിലെ 10 മണിക്കത്തെ വി. കർബാനയ്ക്കു ശേഷo പാരിസ് ഹാളിൽ കൂടിയ ഈ വർഷത്തെ അർത്ഥ വാർഷിക പൊതുയോഗത്തിൽ ഇടവക വികാരി മോൺ. തോമസ് മുളവനാൽ അധിക്ഷത വഹിച്ച. തത് വത്സരത്തിൽ 100 കണക്കിന് ഇടവക കുടംബങ്ങൾ യോഗത്തിൽ പങ്കെടുത്തു. ഈശ്വരപ്രാത്ഥനക്കുശേഷം റവ.മോൺ തോമസ് മുളവനാൽ അദ്ധ്യക്ഷ പ്രസംഗത്തിനായി ജനങ്ങളെ അഭിമുഖികരിച്ചു സംസ്സാരിച്ചു. മാതൃ ദിനത്തിൽ കൂടിയ ഈ പൊതുയോഗത്തിന്റെ പ്രാരംഭത്തിൽ തന്നെ യോഗത്തിൽ പങ്കെടുത്ത എല്ലാ അമ്മമാർക്കും മാതൃദിനആംശസകൾ അർപ്പിച്ചു കൊണ്ടായിരുന്നു തുടക്കം . ഇടവകയിലെ യുവജനങ്ങൾ സഭയോട് ചേർന്നുള്ള സഹകരണത്തിലും താല്പര്യത്തിലും മുള്ള പരിശ്രമത്തെ പുക്ഴത്തുകയും ഇതിനു വേണ്ടുന്ന പ്രോഹാത്സകനങ്ങൾ നല്കി കാണ്ടിരിക്കുന്ന യുവജന പ്രിതിനിധി ട്രസ്റ്റി ബോർഡ്ട് മെംബർ ടോണി കിഴക്കെക്കുറ്റിനെ അഭിനന്തിക്കുകയും ചെയ്തു. തുടന്നു ഇടവകയുടെ ഭാവികാല പുരേഗമന വിഷയങ്ങളെക്കുറിച്ചു ചർച്ചകൾ നടന്നു . ഇതിൽ പ്രധാനമായും ദേവലയത്തിന്റെ നിലവിലുള്ള വാഹന പാർക്കിങ് സൗകര്യം കൂട്ടണമെന്നും അതിനാവശ്യമുള്ള ഫണ്ട് എത്രയുംപ്പെട്ടെന്ന് കുറഞ്ഞതു 500 മുതൽ 1000 ഡോളറെങ്കിലും ഓരോ കുടംബങ്ങളിൽ നിന്നും സമാഹരിക്കണമെന്നു തിരുമാനിക്കുകയും മുണ്ടായി .ഈ തിരുമാനത്തെ സ്വാഗതം ചെയ്തുകൊണ്ടു നിരവധി പേർ മുന്നോട്ട് വന്ന് ഫണ്ട് കൈമാറുകയും ചെയ്തുത് ശ്രദ്ധേയമായി . ജൂൺ മാസം നടത്തുവാനിരിക്കുന്ന ക്നാനായ റീജിയൻ ഫാമിലി കോൺഫ്രസിന്റ വിജയത്തിനായി ഏവരുടെയും സഹായ സകരണത്തെക്കുറിച്ച് ഓർമിപ്പിക്കുയും തുർന്ന് മറ്റ് ഇതര വിഷയങ്ങളുടെ ചർച്ചകൾകൊടുവിൽ യോഗം പിരിഞ്ഞു . കൈക്കാരന്മാരായ റ്റിറ്റോ കണ്ടാരപ്പള്ളി, പോൾസൺ കളങ്ങര ,സിബി കൈതക്ക് തൊട്ടിയിൽ ,ടേണി കിഴക്കെക്കുറ്റ് എന്നി വരോട്പ്പം സെക്രട്ടറി സാബു മടത്തിപ്പറബിൽ, ഫീ ആർ ഒ സ്റ്റിഫൻ ചൊള്ളബേൽ എന്നി വരും യോഗത്തിന്റെ സുഗമമായ നടത്തിപ്പിന് നേത്രുത്വം നല്കി 

Read more

അറ്റ്ലാന്‍റയില്‍ മാതൃദിനം വര്‍ണ്ണശ ബളമായി

അറ്റ്ലാന്‍റയില്‍ മാതൃദിനം വര്‍ണ്ണശ ബള
മായി
അറ്റലാന്‍റാ : ക്നാനായ കാത്തലിക് അസ്സോസി യേഷന്‍ ഓഫ് ജോര്‍ജിയ (കെ.സി. എ.ജി.)
യുടെ ആഭിമു ഖ്യത്തില്‍ മദേഴ്സ് ഡേ മെയ് 14-ാം തീയതി ഞായറാഴ്ച വിപുല
മായ പരിപാ ടിക ളോടു കൂടി ആഘോഷി ച്ചു.
ഇടവക വികാരി ഫാ. ജമി പുതുശ്ശേ രില്‍ നടത്തിയ ദിവ്യബ ലിയോടെ ആരംഭി
ക്കുക യുണ്ടാ യി. അസോസി യേഷന്‍ ഭാരവാ ഹികള്‍ നല്‍കിയ റോസാ പുഷ്പങ്ങ ളോടു കൂടി
ഏവരും ദിവ്യബ ലിയില്‍ പങ്കെടു ക്കുക യുണ്ടാ യി. തുടര്‍ന്ന് നടന്ന മാതൃദിന ചടങ്ങില്‍
പ്രസിഡന്‍റ് ജസ്റ്റിന്‍ പുത്തന്‍പുര, സെക്രട്ടറി മാത്യു പുല്ലാഴി എന്നിവര്‍ മാതൃദിനത്തില്‍ ആശം
സകള്‍ കൈമാറി. എല്ലാ അമ്മമാരും ഒത്തുചേര്‍ന്ന് കേക്ക് മുറച്ച് സന്തോഷം പങ്കുവ ച്ചു.
വൈസ് പ്രസിഡന്‍റ് തോമസ് മുണ്ടന്താനം ഏവര്‍ക്കും മദേഴ്സ് ഡേ സമ്മാന ങ്ങള്‍ നല്‍കുക യു
ണ്ടായി. രുചിക രമായ സ്നേഹവി രുന്നിന് ശേഷം കെ.സി. വൈ.എല്‍. പ്രസിഡന്‍റ് ചിപ്പി
ഉപ്പൂട്ടില്‍, സെക്രട്ടറി ജോയല്‍ അത്തിമറ്റം എന്നിവര്‍ ചേര്‍ന്ന് മനോഹ രമായ പരിപാ ടി
കള്‍ അമ്മമാര്‍ക്ക് ആസൂത്രണം ചെയ്തു.
ലൂക്കോസ് ചക്കാല പ്പട വില്‍, ജെസ്സി ബന്നി പുതിയ കുന്നേല്‍, ജോബി വാഴക്കാ ല,
സൈമണ്‍ ഇല്ലിക്കാ ട്ടില്‍, ഷാജന്‍ പൂവത്തും മൂട്ടില്‍, ബീന വാഴക്കാല എന്നിവര്‍ എല്ലാ പരി
പാടി കള്‍ക്കും നേതൃത്വം നല്‍കുക യുണ്ടാ യി.
സാജു വട്ടക്കു ന്നത്ത്

അറ്റലാന്‍റാ : ക്നാനായ കാത്തലിക് അസ്സോസി യേഷന്‍ ഓഫ് ജോര്‍ജിയ (കെ.സി. എ.ജി.)യുടെ ആഭിമു ഖ്യത്തില്‍ മദേഴ്സ് ഡേ മെയ് 14-ാം തീയതി ഞായറാഴ്ച വിപുലമായ പരിപാ ടിക ളോടു കൂടി ആഘോഷി ച്ചു.ഇടവക വികാരി ഫാ. ജമി പുതുശ്ശേ രില്‍ നടത്തിയ ദിവ്യബ ലിയോടെ ആരംഭിക്കുക യുണ്ടാ യി. അസോസി യേഷന്‍ ഭാരവാ ഹികള്‍ നല്‍കിയ റോസാ പുഷ്പങ്ങ ളോടു കൂടിഏവരും ദിവ്യബ ലിയില്‍ പങ്കെടു ക്കുക യുണ്ടാ യി. തുടര്‍ന്ന് നടന്ന മാതൃദിന ചടങ്ങില്‍പ്രസിഡന്‍റ് ജസ്റ്റിന്‍ പുത്തന്‍പുര, സെക്രട്ടറി മാത്യു പുല്ലാഴി എന്നിവര്‍ മാതൃദിനത്തില്‍ ആശംസകള്‍ കൈമാറി. എല്ലാ അമ്മമാരും ഒത്തുചേര്‍ന്ന് കേക്ക് മുറച്ച് സന്തോഷം പങ്കുവ ച്ചു.

വൈസ് പ്രസിഡന്‍റ് തോമസ് മുണ്ടന്താനം ഏവര്‍ക്കും മദേഴ്സ് ഡേ സമ്മാന ങ്ങള്‍ നല്‍കുക യുണ്ടായി. രുചിക രമായ സ്നേഹവി രുന്നിന് ശേഷം കെ.സി. വൈ.എല്‍. പ്രസിഡന്‍റ് ചിപ്പിഉപ്പൂട്ടില്‍, സെക്രട്ടറി ജോയല്‍ അത്തിമറ്റം എന്നിവര്‍ ചേര്‍ന്ന് മനോഹ രമായ പരിപാ ടികള്‍ അമ്മമാര്‍ക്ക് ആസൂത്രണം ചെയ്തു.

ലൂക്കോസ് ചക്കാല പ്പട വില്‍, ജെസ്സി ബന്നി പുതിയ കുന്നേല്‍, ജോബി വാഴക്കാ ല,സൈമണ്‍ ഇല്ലിക്കാ ട്ടില്‍, ഷാജന്‍ പൂവത്തും മൂട്ടില്‍, ബീന വാഴക്കാല എന്നിവര്‍ എല്ലാ പരിപാടി കള്‍ക്കും നേതൃത്വം നല്‍കുക യുണ്ടാ യി.

Read more

അഞ്ചാമത് ചിക്കാഗോ അന്തര്‍ദേശീയ വടംവലി മത്സരം കിക്ക് ഓഫ്‌ ഉജ്വലമായി



ചിക്കാഗോ : 2017 സെപ്റ്റംബര്‍ നാലാം തീയതി തിങ്കളാഴ്ച മോര്‍ട്ടന്‍ ഗ്രോവ് സെന്റ് മേരീസ് ക്‌നാനായ പള്ളി (7800 W.LYONS. St. Morton Grove IL USA 60016) മൈതാനിയില്‍ വച്ച് നടക്കുന്ന ചിക്കാഗോ സോഷ്യല്‍ ക്ലബ്ബിന്റെ അഞ്ചാമത് അന്തര്‍ദേശീയ വടംവലി മത്സരത്തിന്റെയും ഓണാഘോഷത്തിന്റെയും ഫണ്ട് റെയ്‌സിംഗ് ഉദ്ഘാടനം ക്ലബ്ബ് ആസ്ഥാനത്ത് പ്രസിഡന്റ് അലക്‌സ് പടിഞ്ഞാറേലിന്റെ അദ്ധ്യക്ഷതയില്‍ കൂടിയ പൊതുയോഗത്തില്‍ വച്ച് സെന്റ് മേരീസ് ക്‌നാനായ പള്ളി അസി. വികാരി ബഹു. ഫാ. ബോബന്‍ വട്ടപ്പുറം വടംവലിയുടെ പ്രധാന സ്‌പോണ്‍സറും തികഞ്ഞ കായികപ്രേമിയും എല്ലാവര്‍ക്കും ആദരണീയനുമായ ശ്രീ. ജോ പുതുശ്ശേരിയില്‍ നിന്നും ചെക്ക് സ്വീകരിച്ച് ഉദ്ഘാടനം ചെയ്തു.

ചിക്കാഗോ മലയാളി ബിസിനസ് രംഗത്തെ കുലപതിയും ചിക്കാഗോ സോഷ്യല്‍ ക്ലബ്ബിന്റെ മെമ്പറുമായ ശ്രീ. ജോയി നെടിയകാലയില്‍ നിന്നും ഓം സമ്മാനമായ 5001 ഡോളറിന്റെ ചെക്ക് പ്രസിഡന്റ് അലക്‌സ് പടിഞ്ഞാറേലിനു കൈമാറി.

ചിക്കാഗോയില്‍ ബിസിനസ് രംഗത്ത് വിപ്ലവകരമായ മുന്നേറ്റം നടത്തിക്കൊണ്ടിരിക്കുന്ന ചെറുപ്പക്കാരനായ ബിസിനസ്സുകാരനാണ് ശ്രീ. സഞ്ജു പുളിക്കത്തൊട്ടി. അദ്ദേഹവും പ്രധാന സ്‌പോണ്‍സറായി കടന്നുവിരിക്കുകയാണ്. ശ്രീ. സഞ്ജു പുളിക്കത്തൊട്ടി ടൂര്‍ണമെന്റ് ചെയര്‍മാന്‍ സിറിയക്ക് കൂവക്കാട്ടിലിന് ചെക്ക് കൈമാറി ഈ വടംവലി മാമാങ്കത്തിന് പൂര്‍ണ്ണ പിന്തുണ തിരിക്കുകയാണ്.

അതുപോലെ രണ്ടാം സമ്മാനം (3001 ഡോളര്‍) സ്‌പോണ്‍സര്‍ ചെയ്ത ഫിലിപ്പ് മുണ്ടപ്ലാക്കല്‍, മൂന്നാം സമ്മാനം (2001 ഡോളര്‍) സ്‌പോണ്‍സര്‍ ചെയ്ത കുളങ്ങര ഫാമിലിക്കു വേണ്ടി പീറ്റര്‍ കുളങ്ങര, നാലാം സമ്മാനം (1001 ഡോളര്‍) സ്‌പോണ്‍സര്‍ ചെയ്ത ബൈജു കുന്നേല്‍, ബെസ്റ്റ് കോച്ചിനെ സ്‌പോണ്‍സര്‍ ചെയ്ത ഫിലിപ്പ് പെരികലം എന്നിവരും ഈ ചടങ്ങില്‍ സിഹിതരായിരുന്നു.

ഈ ടൂര്‍ണമെന്റിന്റെ മുന്നോട്ടുള്ള പ്രയാണത്തില്‍ എല്ലാവിധ പിന്തുണയും പ്രഖ്യാപിച്ചുകൊണ്ട് ചിക്കാഗോ ഫ്രണ്ട്‌സ് ക്ലബ്ബ് പ്രസിഡന്റ് ജസ്റ്റിന്‍ തെങ്ങനാട്ട്, ചിക്കാഗോ കോസ്മ പോളിറ്റന്‍ ക്ലബ്ബ് പ്രസിഡന്റ് സന്തോഷ് കുര്യന്‍, Bolingbrook Club ബിനോ നെല്ലാമറ്റം. ചിക്കാഗോയിലെ പ്രധാന വടംവലി ടീമുകളായ കോട്ടയം കിംഗ്‌സ്, റെഫ് ഡാഡീസ്, സെന്റ് സ്റ്റീഫന്‍ ഉഴവൂര്‍, അരീക്കര അച്ചായന്‍സ്, Chicago Trolly Pullers എന്നിവരും ഈ ചടങ്ങില്‍ സിഹിതരായിരുന്നു.

ഈ വടംവലി മത്സരത്തിന്റെയും ഓണാഘോഷത്തിന്റെയും ചിലവിലേക്കുള്ള ഫണ്ട് റെയ്‌സിംഗിന് വലിയ ജനപിന്തുണയാണ് കിട്ടികൊണ്ടിരിക്കുന്നത് എന്ന് ചെയര്‍മാന്‍ സിറിയക് കൂവക്കാടനും ജനറല്‍ കണ്‍വീനര്‍ തമ്പി ചെമ്മാച്ചേലും ഫൈനാന്‍സ് കമ്മിറ്റി ചെയര്‍മാന്‍ ജോമോന്‍ തൊടുകയിലും സംയുക്തമായി പറഞ്ഞു.

പ്രസിഡന്റ് അലക്‌സ് പടിഞ്ഞാറേല്‍, വൈസ് പ്രസിഡന്റ് സജി മുല്ലപ്പള്ളി, സെക്രട്ടറി ജോസ് മണക്കാട്ട്, ട്രഷറര്‍ ബിജു കരികുളം, ജോയിന്റ് സെക്രട്ടറി പ്രസാദ് വെള്ളിയാന്‍ എന്നിവര്‍ ഈ പരിപാടിക്ക് നേതൃത്വം കൊടുത്തു.

സജി മുല്ലപ്പള്ളി സ്വാഗതവും ബിജു കരികുളം നന്ദിയും പറഞ്ഞു. ജോസ് മണക്കാട്ട് എം.സിയായി പ്രവര്‍ത്തിച്ചു.

Read more

Copyrights@2016.