europe

ബാബു ചാഴികാടൻ - മരിക്കാത്ത ഓര്മ്മകള്‍ക്ക് ഇരുപത്തിയാറാണ്ട്

Editor  ,  2017-05-14 08:44:39pmm

ബാബു ചാഴികാടൻ എന്ന യുവജന നേതാവിന്റെ ജ്വലിക്കുന്ന ഓർമകൾക്ക് നാളെ  ഇരുപത്താറു വയസ്. ആർക്കും അനുകരണീയമായ വ്യക്തിത്വത്തിനു ഉടമയായിരുന്നു ബാബു ചാഴികാടൻ.തികഞ്ഞ ആത്മാർത്ഥത, വ്യക്തമായ ലക്ഷ്യബോധം, ലാളിത്യം ഇതെല്ലാം അദ്ധേഹത്തിന്റെ വെക്തി മുദ്രയായിരുന്നു.

1991 മെയ്‌ 15 ലെ സായാഹ്നത്തിൽ ഏറ്റുമാനൂർ നിയോജക മണ്ഡലത്തിലെ UDF സ്ഥാനാർത്ഥിയായിരുന്ന ബാബു തിരെഞ്ഞെടുപ്പ് പ്രചരണത്തിനിടെ ആർപ്പൂക്കര വാര്യമുട്ടത്തു വെച്ചാണ്‌ ഇടിമിന്നൽ ഏറ്റു മരിച്ചത്. അന്ന് കോട്ടയം ലോക്സഭ മണ്ഡലത്തിലെ സ്ഥാനാർത്ഥിയായിരുന്ന രമേശ്‌ ചെന്നിത്തലയും ചാഴികാടനൊപ്പം ജീപ്പിൽ ഉണ്ടായിരുന്നു. മിന്നലേറ്റ് ബാബുവിന്റെ കഴുത്തിലെ പൂമാല പൊട്ടിച്ചിതറി. ചെന്നിത്തല പിന്നോട്ട് മറിഞ്ഞു വീണെങ്കിലും നിസാര പരുക്കുകളോടെ രക്ഷപെട്ടു. കൂടെ ഉണ്ടായിരുന്ന പ്രവർത്തകർ ഇരുവരെയും അടുത്തുള്ള കോട്ടയം മെഡിക്കൽ കോളേജിൽ എത്തിച്ചു അപ്പോഴേക്കും ബാബുവിന്റെ ജീവിതം പൊളിഞ്ഞിരുന്നു. കേരളാ കോൺഗ്രസ്‌ പാർട്ടി ചെയർമാൻ മാണിസാറിന്റെ ഭാഷയിൽ പറഞ്ഞാൽ വിടരും മുൻപേ കൊഴിഞ്ഞ പനിനീർ പൂവായിരുന്നു ബാബു ചാഴികാടൻ.

കേരളാ യൂത്ത്ഫ്രണ്ട്(എ൦) മുന്‍ സംസ്ഥാന പ്രസിഡന്റ്‌, കേരള രാഷ്ടീയ൦ പ്രതീക്ഷയോടെ കാത്തിരുന്ന യുവജനനേതാവ്, കേരളാ കോണ്ഗ്രസ്‌ പ്രസ്ഥാനത്തിന്റെ ഭാവി വാഗ്ദാനം, വിദ്യാര്ത്ഥി പ്രസ്ഥാനത്തിന്റെയും യുവജനങ്ങളുടെയും ആവേശമായ നേതാവ്, യൂത്ത് ഫ്രണ്ട് സംസ്ഥാന പ്രസിഡന്റ്‌ എന്ന നിലയില്‍ ബാബു ചാഴികാടന്‍ സര്ക്കാ്രിന്റെ മദ്യനയം തിരുത്തണം എന്നാവശ്യപ്പെട്ടുകൊണ്ട് അന്ന് എക്സൈസ് മന്ത്രി ആയിരുന്ന കെ. ആര്‍ ഗൗരിയമ്മയെ കരിംകൊടി കാണിക്കുകയും അതേ വിഷയത്തില്‍ തന്നെ കോട്ടയം ഗാന്ധിസ്ക്വയറില്‍ 10 ദിവസം അദ്ദേഹം നടത്തിയ നിരാഹാര സമരവും ശ്രദ്ധെയമായിരുന്നു. ഉജ്ജ്വല വാഗ്മിയും മദ്യനിരോധന സമിതി സംസ്ഥാന സെക്രെട്ടറിയും ആയിരുന്ന  ബാബു ചഴികാടന്റെ ജ്വലിക്കുന്ന ഓര്മ്മകള്ക്ക് മുന്പി ല്‍ അശ്രുപൂജകള്‍ അര്പ്പി്ക്കുന്നു.

ബാബുവിന്റെ മരണത്തെ തുടർന്ന് ഏറ്റുമാനൂർ മണ്ഡലത്തിലെ തിരഞ്ഞെടുപ്പ് മാറ്റി വെച്ചു. പിന്നീട് ബാബുവിന്റെ സഹോദരൻ തോമസ്‌ ചാഴികാടൻ ഏറ്റുമാനൂരിലെ സ്ഥാനാർത്ഥിയായി മത്സരിച്ചു വിജയിച്ചു.



Latest

Copyrights@2016.