ഡാളസ്‌: നാഷണൽ അസോസിയേഷൻ ഓഫ് ഇക്കണോമിക് എജ്യുക്കേഷന്റെ റൈസിംഗ് റിസർച്ചർ അവാർഡ് ഡോ. ആഷ്‌ലി തറയിലിന്. സാമ്പത്തിക വിദ്യാഭ്യാസ ഗവേഷണത്തിലെ മികച്ച സംഭാവനകൾ പരിഗണിച്ചാണ് ഈ അവാർഡ് ലഭിച്ചത്. സെന്റ് ലൂയിസിലെ ഫെഡറൽ റിസർവ് ബാങ്കിൽ വച്ചാണ് അവാർഡ് സമ്മാനിച്ചത്. ഡോ.ആഷ്‌ലി തറയിൽ സാമ്പത്തിക ശാസ്ത്രത്തിൽ അസോസിയേറ്റ് പ്രൊഫസറും ഓസ്റ്റിൻ കോളേജിലെ ഇക്കണോമിക്‌സ് ആന്റ് ബിസിനസ് അഡ്മിനിസ്‌ട്രേഷൻ ഡിപ്പാർട്ട്‌മെന്റ് ചെയറുമാണ്. തറയില്‍ കിഷോര്‍-ഷീബ ദമ്പതികളുടെ മൂത്ത മകളാണ് ആഷ്‌ലി. തെക്കനാട്ട് ജോസഫ് തോമസിന്റെ ഭാര്യയാണ്‌. മൂന്ന് കുട്ടികളുണ്ട്. ഡാളസിലെ ക്രൈസ്റ്റ് ദി കിംഗ് ചർച്ചിലെ 11, 12 ക്ലാസുകളിലെ സിസിഡി ടീച്ചർ കൂടിയാണ് ആഷ്‌ലി.
